उन्हाळ्याच्या सुट्टीचा आनंद लुटून मुले शाळेत परतत असून 31 मे रोजी शाळा प्रारंभोत्सवाच्या माध्यमातून विद्यार्थ्यांचे स्वागत करण्यासाठी शिक्षण विभाग सज्ज होतो आहे.

दरवर्षीप्रमाणे यंदाही शैक्षणिक वर्षाच्या सुरुवातीलाच विद्यार्थ्यांचे अभिनव पद्धतीने स्वागत करण्यासाठी राज्यातील शाळा आणि शिक्षक शाळा प्रारंभोत्सवाची तयारी करतील. त्यासाठी विविध शाळा आपापल्या परीने अत्यंत उत्साहात शाळेला सजवून आणि मुलांना मिठाई देऊन पुढील वर्गाच्या स्वागतासाठी शिक्षक सज्ज होतील.

कर्नाटकातील प्राथमिक व माध्यमिक शाळांमध्ये शाळा प्रारंभोत्सव होणार आहे. शाळेच्या उद्घाटन समारंभातील कामकाजाबाबत शिक्षकांना मार्गदर्शक सूचना यापूर्वीच देण्यात आल्या आहेत. 29 मे रोजी शाळेतील स्वच्छता व मुलभूत सुविधांची पाहणी करण्यात येईल व 31 मे रोजी शाळा प्रारंभोत्सव मोठ्या दिमाखात पार पडणार आहे.

.

.

SDMC ला कळवणे

गावातील प्रतिनिधी आणि एसडीएमसी सदस्यांना शाळेच्या प्रारंभोत्सवाची माहिती देण्यात यावी. शाळेची इमारत, शाळेचा परिसर, दुपारचे गरमागरम जेवण (मध्यान्ह आहार), गणवेश, पाठ्यपुस्तके, मुलांची उपस्थिती, क्षीरभाग्य, शिक्षकांची उपस्थिती याचीही माहिती देण्यात यावी.

.

.

गोड जेवण व सरकारच्या सुविधा

शाळा प्रारंभोत्सवाच्या दिवशी विद्यार्थ्यांसाठी गोड जेवणाची सोय करण्यात यावी. जेणेकरून त्यांचे शालेविशायीचे आकर्षण अधिक वाढेल. तसेच सरकारकडून पुरविण्यात येणारे पाठ्यपुस्तक, गणवेश यांचे वाटप मान्यवरांच्या हस्ते करण्यात यावे.

मिन्चीन संचार-

शाळा उघडण्याच्या दिवसापासून शाळांच्या सततच्या कामकाजावर लक्ष ठेवण्यासाठी मिन्चीन संचार कार्यक्रम आयोजित केला जाईल. ते जून या कालावधीत जिल्ह्यासह राज्यभरात मिन्चीन संचार करण्यात येणार असून, उपनिर्देशक आणि क्षेत्र शिक्षणाधिकाऱ्यांच्या नेतृत्वाखाली मिन्चीन संचार पथक कोणत्याही शाळेला भेट देऊन तपासणी करेल.

पाठ्यपुस्तके उपलब्धता

विद्यार्थ्यांची उपस्थिती व शाळांच्या मागणीनुसार दि. 90% पेक्षा जास्त पाठ्यपुस्तके आधीच पुरविली गेली आहेत. ते क्षेत्र शिक्षणाधिकाऱ्यांमार्फत सर्व शाळांपर्यंत पोहोचवण्याची व्यवस्थाही केली गेलेली आहे. शाळा सुरू झाल्यावर सर्व विद्यार्थ्यांना पाठ्यपुस्तके उपलब्ध होतील. जिल्ह्यातील शासकीय, अनुदानित व विनाअनुदानित शाळांच्या मागणीनुसार पाठ्यपुस्तकांची मागणी विभागाकडे सादर करण्यात आली आहे. जवळजवळ सर्व मुलांना शाळेच्या सुरुवातीला पूर्ण पाठ्यपुस्तके मिळतील असा विश्वास आहे.